|
Almalımarketdə satış üçün nəzərdə tutulmuş hər bir məhsulun mənşəyi ciddi şəkildə araşdırılır. Şirkətimiz regionda ən müasir, anbarlama və saxlama tələblərinə cavab verən Paylayıcı Mərkəzə malikdir.Paylayıcı Mərkəzdə müxtəlif məhsul kateqoriyaları üçün münasib temperatur şəraitinin olması, daşınma zamanı sanitar və gigiyenik normalara riayət, almalımarketlərdəki standartlara uyğun işıqlandırma-temperatur rejimi və eləcə də istifadə müddətinə ciddi nəzarət mexanizmi keyfiyyətli məhsul təklif etməyə şərait yaradır.
Almalımarketin qarşısına qoyduğu məqsədlərdən biri də keyfiyyətli məhsulları sərfəli qiymətlərlə təklif etməkdir. Geniş həcmli alışların aparılması, böyük dövriyyə, daşınmaların öz vəsaiti hesabına və mərkəzləşmiş şəkildə aparılması, geniş miqyaslı marketinq dəstəyi almalımarketlərdə müştərilər üçün sərfəli qiymətlərin saxlanılmasına şərait yaradır. Bütün üstünlükləri ilə bərabər həm də, əlverişli qiymətlərin olması Almalını bütün təbəqələrdən olan insanlar üçün sevimli bazarlıq məkənına çevirmişdir.
Bu gün Almalımarketlərdə 23 şöbədə 4000-dən çox adda gündəlik tələbat məhsulları Sizə təqdim olunur. Bunların 80 faizi ərzaq, 20 %-i isə qeyri-ərzaq məhsullarıdır. Statistikaya görə insanların 80%-i nəyi alacaqlarına məhz marketlərdə qərar verirlər. Almalı marketlərdəki geniş ticarət zonası, malların qruplaşdırılması, rahat düzülüşü Sizin seçim imkanlarınızı daha da rahatlaşdırır. Siz məhsula toxunaraq, onun haqqında dolğun informasiya alaraq seçiminizi dəqiqləşdirə bilərsiniz. Bundan başqa müxtəlif meyvə-tərəvəz məhsullarını seçərək ala bilərsiniz. Hətta qoyulmuş tərəzilərdə məhsulu çəkə, büdcənizə və istəyinizə uyğun olan qədər götürə bilərsiniz. Mal və qoyun ətini, müxtəlif çeşiddə və çəkidə olması da daha bir seçim üstünlüyünü təşkil edir. Bundan başqa, yay fəsli istisna olmaqla, Almalımarketlərdən diri balıq əldə edə bilərsiniz.
Almalımarketlərin əsas məqsədlərindən biri insanlara səmimi xidmət göstərməkdir. Məqsədimiz Sizə ən yaxşısını təqdim etmək, bütün qüvvəmizlə Sizin etimadınızı qazanmaqdır. Almalımarketlərdə dəqiq tərəzilərin mövcudluğu və kassa sisteminin mükəmməl iş fəaliyyəti alıcılarla tam şəffaf ünsüyyət qurmağa şərait yaradır. Mağaza əməkdaşları Sizə daha üstün xidmət göstərmək, mallar haqqında lazımi məlumatları öyrənmək, davranış qaydalarını mənimsəmək, müasir dünya təcrübəsilə yaxından tanış olmaq məqsədilə müntəzəm treninqlər keçir. Əgər hər hansı səbəblə bizdən narazı qalarsınızsa bununla bağlı Sizdən öncədən üzr istəyir və bu haqda bizi məlumatlandırmanızı (012 490 80 70 (daxili 77-77) “Müştəri xidmətləri” ) xahiş edirik. Biz ən tez zamanda səhvimizi düzəldəcəyimizə söz veririk.
Biz insanların seçim imkanına hörmətlə yanaşaraq, hər hansı bir qərar dəyişməyə normal yanaşırıq. Belə ki, almalımarketdən aldığınız hər hansı bir məhsul haqda qərarınızı dəyişsəniz onu geri qaytara bilərsiniz. Lakin bu halda qablaşdırmanın tamlığı və kassa çekinin olması əsas şərtdir.
|
