Personalın biliklərinin idarə edilməsi – yalnız əməkdaşları birbaşa təlimləndirməkdən və onları qiymətləndirməkdən ibarət deyil, bu həm də onun köməkliyi ilə əməkdaşlara iş üçün lazım olan lazımi informasiyaların ötürülməsinin, yeni qayda və standartların tətbiq edilməsinin, satıcıların isə komandada iş vərdişlərinin əldə etmələrinin mümkün olduğu təşkilatdaxili kommunikasiyalar mexanizmidir.
Əməkdaşların biliklərinin idarə edilməsi eləcə də şirkətin rəqabət üstünlüyünün yaradılması üsullarının ən əhəmiyyətlilərindən biridir və bunun köməkliyi ilə təşkilatın bazardakı müsbət imicini və hər bir əməkdaşın öz işini daha keyfiyyətli və tez bir zamanda yerinə yetirməsini təmin edilir.
Məhz buna görə də “ADA-GROUP” şirkətində Azərbaycanda birinci olan və fəaliyyəti işçilərin vəzifə borclarını keyfiyyətlə yerinə yetirmələri üçün onların vaxtında hazırlanmasına, əməkdaşların peşəkarlıq baxımından inkişaflarına və insanların öz karyeralarında baş verən irəliləyişdən aldıqları həzzin daha da artmasına yönələn öz “Pərakəndə satış məktəbi” fəaliyyət göstərir.
“Pərakəndə satış məktəbinin” fəaliyyəti bir neçə mərhələdən ibarətdir. Hazırlıqlı təlimçilər – tədris proqramları və təlimlər üzrə mütəxəssislər müstəqil şəkildə özünə satış texnologiyasını, servis xidmətlərini, ticarətin hüquqi aspektlərini, alıcıların psixologiya əsaslarını, şirkətin daxili standartları və qaydalarını daxil edən tədris proqramlarını hazırlayırlar.
Məsələn, tədrisin ilkin mərhələsində mağazaların gələcək personalına, yəni satıcı və kassir vəzifəsi üzrə müsahibədən uğurla keçmiş şəxslərə proqramına iştirakçıları “ADA-GROUP” şirkəti, şirkətin məram və məqsədləri ilə tanış etməyin, “Almalı” mağazalar şəbəkəsi haqqında məlumatlar verməyin, vəzifə və öhdəlik təlimatları, biznes prosesləri, qayda və məsuliyyətlərlə tanış etməyin daxil olduğu “Mağaza personalı üçün giriş kursu” adlanan treninq təklif olunur.
Artıq sonrakı mərhələlərdə işləyən personal üçün “Merçendayzinq”, “Fəal satış texnikaları”, “Mağazalar personalının davranış qaydası”, “Çətin müştərilərlə işləmək sirləri”, “Uğurlu satışlar” və s. kimi treninqlər keçirilir.
Öz fəaliyyətində məktəbimiz geniş şəkildə Moskvanın böyük məktəblərindən əldə edilmiş “Dinləmələrin idarə edilməsi”, “Satışlar: Pələng məktəbi”, “Ömürlük müştərilər” kimi video materiallardan istifadə edir.
İşçilərə vaxtaşırı attestasiya və nəzarətə dair suallar verilir, fərqlənən iştirakçılar isə xüsusi sertifikat və hədiyyələrlə təltif olunurlar.
Mağaza direktorları və direktor müavinləri üçün isə proqram ayrı-ayrı mövzulara toxunur. Ofis işçiləri də vaxtaşırı uzaq məsafədən idarə olunan təlim keçir, habelə top-menecerlərimizin “Şirkətin maliyyə vəsaitlərinin səmərəli idarə edilməsi sistemi”, “Kateqoriyalı idarəetmə”, Fəal düşüncə üsulları”, “Şirkətdə daxili audit sistemi”, “Anbar logistikası” kimi treninqləri və şirkətin təhlükəsizlik xidməti rəhbəri üçün treninqi və bir çox başqalarını keçmiş olduqları “Moscow Business School”, “İdarəetmənin Rus Məktəbi” və başqa tanınmış təlim mərkəzləri ilə sıx əməkdaşlıq edirlər.
Müxtəlif treninqlərdə iştirak şirkətin hər bir əməkdaşının karyerasında irəliləyiş üçün birbaşa əhəmiyyət kəsb edir.
