2-4 fevral tarixlərində“Almalı” mağazalar şəbəkəsinin operatoru olan ADA Şirkətlər Qrupunun Mərkəzi Ofisində Beynəlxalq Maliyyə Korporasiyası (IFC) nümayəndələrinin –Akbar Husain, Beata Tuszynska, Brendan Michael, Yazqan Müsənnif və Emre Saracoğlunun, həmçinin şirkətin menecerlərinin (struktur rəhbərlərinin) iştirakı ilə Direktorlar Şurasının geniş tərkibli iclası keçirilmişdir. Direktorlar Şurasının iclasında ötən ilin yekunları, Qrupun 4-illik inkişaf proqramı, Beynəlxalq Maliyyə Korporasiyası ilə əməkdaşlığın daha da dərinləşdirilməsi, dünyada baş verən maliyyə böhranı ilə əlaqədar “Almalı” mağazalar şəbəkəsində yaranmış cari problemlərin həlli kimi məsələlər müzakirə olunmuşdur.

Direktorlar Şurasında Qrupun kapitalının 2 dəfə artırılmasına və maliyyə institutlarından ucuz maliyyə vəsaitlərinin cəlb olunmasına dair qərar verilmişdir.

Qeyd edək ki, ADA Şirkətlər Qrupu 2005-ci ildə yaranıb. Qrupun əsas səhmdarlarından biri Dünya Bankının bir bölməsi olan Beynəlxalq Maliyyə Korporasiyasıdır (IFC).