26 fevral 2010-cu il tarixində ADA Şirkətlər Qrupu Mərkəzi Ofisində İdarə Heyətinin geniş tərkibli toplantısı keçirilmişdir. Toplantıda struktur rəhbərləri, “Almalı” mağazalarının müdirləri, həmçinin regional direktorlar iştirak etmişdir.
Tədbiri giriş sözü ilə açan İdarə Heyətinin Sədri R.Ə.Hacıyev 26 fevralın Azərbaycan xalqının tarixində qanla yazıldığını bildimişdir. “Xocalı faciəsi bəşəriyyət üçün üz qarasıdır. Təəssüflər olsun ki, bu dəhşətli cinayətin müəllifləri hələ də öz cəzasını almamışdır. Lakin biz inanırıq ki, regionda gündən-günə qüdrətlənən Azərbaycan bu canilərin cəzasını özü verəcək. Heç bir şəhidimizin qanı yerdə qalmayacaq!” Çıxışdan sonra, Xocalı şahidlərinin xatirəsi bir dəqiqəlik sükut duruşu ilə yad olunmuşdur.

Toplantıda yanvar ayının yekunları, bir sıra mağazalarda aparılmış inventarizasiyanın nəticələri, almalımarketlərin yanvar ayı üzrə göstəriciləri müzakirə olunmuş, bir sıra cari məsələlərə toxunulmuşdur.

Gündəliyə əsasən “Ayın müdiri” müsabiqəsi üzrə təsdiqlənmiş qaydalara görə ən çox bal toplamış “Almalı” mağazası müdirinin adı açıqlanmışdır. Beləliklə, Yasamal rayonu Ş.Mehdiyev küçəsi 559/560 ünvanında yerləşən almalımarketin müdiri Namiq Əliyev “Ayın müdiri” olmuşdur. “Ayın müdiri” fəxri fərman və İstanbul şəhərinə putyovka ilə mükafatlandırılmışdır.